Ka kaiwhakarato hou o ngā ratonga tirotiro ū kore utu i te pokapū o Tāmaki Makaurau hei ā Māehe 2021. Ko te kaiwhakarato nei ko BreastScreen Auckland Central, e whakahaeretia ana e te Poari Hauora (DHB) o Waitematā.
Ko tā mātou aronga he mea e oti ai i ngā wāhine he 45 ki te 69 tau te kaumātuatanga, te uru atu tonu ki ngā whakaata ū kore utu, ā, kia mākohakoha te whitinga ki te ratonga hou.
Mēnā e māharahara ana koe i tō hauora ū, kaua e tatari ki tō whakaata ū e whai ake nei - kia kotahi atu koe ki tō tākuta.
Ngā pātai me ngā whakautu
Ko taku whakaata ū e whai ake nei hei ā Pepuere, hei ā Māehe rānei. E oti i a au te tāpui?
Waea atu ki a BreastScreen Aotearoa ki 0800 270 200. Mā mātou ō taipitopito whakapā e whakatūturu, ā, mā tētahi koe e whakapā atu hei te tuwheratanga o ngā hōtaka rīanga ū.
Hei āhea tētahi whakapā mai ai?
E kawatau ana mātou ka whakapāngia koe hei ā Māehe 2021.
He aha au e tatari nei?/He aha e kore nei e oti i a au te tāpui?
E whakaritea ana tētahi wāhi hou mō ngā ratonga tirotiro ū i te pokapū o Tāmaki Makaurau, ki 308 ki te Huarahi o Great South, ki Greenlane (ki tō Countdown taha). Ka whakapā atu ngā kaimahi hei te ritenga mai o te whare hou. Me te aha hoki, mēnā e māharahara ana koe i tō hauora ū, kaua e tatari ki tō whakaata ū e whai ake nei - kia kotahi atu koe ki tō tākuta.
He aha e whakaritea nei tētahi wāhi tirotiro ū hou mō ngā wāhine ki te Pokapū o Tāmaki Makaurau?
Kua meinga e BreastScreen Auckland Ltd (BSAL), te kaiwhakarato o ngā ratonga tirotiro ū kore utu ki Tāmaki Makaurau, ki te Manatū Hauora, ka mutu tana kirimana hei ā te 28 o Pepuere 2021. Ka noho ko BreastScreen Auckland Central (BSAC) te kaiwhakarato hou mai i Poutūterangi 2021.
Peka atu au ki hea hei ā Māehe e whai rīanga ū ai?
Ka tū te whare haumanu hou ki 308 ki te Huarahi o Great South (ki tō Countdown taha). Mea ake nei, whakapā atu ai te ratonga hou ki a koe mō ngā mōhiohio ake, me te whakatūturu i tō tāpuitanga. Ka whakaputaina te hōtaka o ngā wāhi mō te ratonga kawe ki Clinic locations/Auckland.
E tāria ana ngā putanga e au - me toro au ki hea?
Mēnā he toronga putanga tāu ā muri mai i tō whakaata ū BreastScreen Aotearoa kore utu ki te whare haumanu ki te Huarahi o St Mark, ki Remuera, me haere tonu koe.
E oti tonu i a au te whiwhi whakaata ū Brast Screen Aotearoa kore utu ki te pokapū o Tāmaki Makaurau?
Āe, e oti tonu i ngā wāhine ki te pokapū o Tāmaki Makaurau te whai i ā rātou whakaatu ū kore utu ki BreastScreen Auckland Central. Ko te wāhi hou kei 308 ki te Huarahi o Great South, ki Greenlane (ki tō Countdown taha).
E māharahara ana au ki tētahi rerenga kētanga ki ōku ū, me aha ahau?
Mēnā e māharahara ana koe i tō hauora ū, kaua e tatari ki tō whakaata ū e whai ake nei - kia kotahi atu koe ki tō tākuta.
Tōna tikanga, kua tae te wā kia whakahaeretia taku whakaata ū Breast Screen Aotearoa kore utu ki te whare haumanu ki te Huarahi o St Mark/ki te ratonga kawe, me aha au?
Waea atu ki a BreastScreen Aotearoa ki 0800 270 200. Mā mātou ō taipitopito whakapā e whakatūturu, ā, mā tētahi koe e whakapā atu hei te tuwheratanga o ngā hōtaka rīanga ū.
Kei te pokapū o Tāmaki Makaurau au e noho ana, kua mate au ki te toro ki Te Raki Pae Whenua, ki Waitākere rānei mō taku whakaata ū kore utu ināianei?
Kāore, ka wātea tonu te ratonga BreastScreen Aotearoa kore utu ki te pokapū o Tāmaki Makaurau ki ngā wāhine o reira. Ko te wāhi noho o te ratonga hou ko 308 ki te Huarahi o Great South, ki Greenlane (ki tō Countdown taha).
Tokohia ngā wāhine ka pāngia e tēnei panonitanga?
He tōna 67,000 ngā wāhine ki te pokapū o Tāmaki Makaurau, he 45 ki te 69 tau te kaumātuataga, e māraurau ana ki te tirohanga ū.
Ka pāngia te kounga o ngā ratonga nei e te panonitanga o te kaiwhakarato?
Ko te whakaarotau kia te whakarato tonu i tētahi ratonga tirohanga ū kounga mō ngā wāhine, kia mākohakoha hoki te whakawhitinga.
He aha ngā tūraru ki te wahine mēnā ka takaroatia tana tirohanga ū?
Kei te pito o ngā whakaaro tō haumarutanga, ā, e whai whakaaro nui ana hei te wā ka whakatūturutia ngā toronga rā roto katoa i te tukanga nei. Heoi anō, mēnā e māharahara ana koe i tō hauora ū, kaua e tatari ki tō whakaata e whai ake nei - kia kotahi koe ki tō tākuta.